Síguinus en
www.facebook.com/miextremadura

 

Mi Extremadura.
La Cultura Rural

Premius de prosa
"Luis Chamizu"

Diciembri 2012

1er Premiu

Ceborrincho, el mi burrinu serraillanu

jechu pol Miguel Herrero Uceda
2° premiu
Dagalis, muchachinus y gurriatus
jechu pol Elisa Herrero Uceda

Dambus a dos autoris de Mi Extremadura

 

Vídeus, decumentus, reportajis


Mi Extremadura. Vídeu de presentación


Cachinu e Cielu
Poesía de Elisa Herrero inspirá en los cielus purus
y en la nochi estrellá de Ceclavín


Jota del emigranti extremeñu
interpretá por el grupu Aldaba con Elisa Herrero

 
Los Canchus de Ramiru. Poema de Sánchez Ferlosio
Poética visión de los butres

 
Sansón serraiano. Poema de Carlos Sánchez Mateo

 
Ensalá de patatas.
Ejemplu de una receta del libru Mi Extremadura


Las nuestras palabrinas,
En el libru se mentan abundus términus y con su explicoteu


Entrevista en Canal Extremadura


Periódicu Hoy

Pa leelu, dali con el ratoninu



La fiesta de la Borrasca en Ceclavín.
Reportaji de Canal Extremadura.

 


Vídius y documentalis
a tentu e

El alma de los árboles






 

 

¡Sólu te llevan pol el nuevu libru 14 €!

Píilu dandu con el ratoninu aquí mesmu

 

Mi Extremadura es un libru mu aparenti pa conocel bien las nuestras cosinas y pa estal entreneníu abondu. Es un cantu a la Cultura Rural, al mundu natural, a esta jorma de vía sencilla y cabal de los nuestrus pairis y agüelus que los trajinis de los jombris e las capitalis, atollaos en toas esas crisis que ellus mesmus han aparejau están orviandu, peru estus saberis jorman el jondón de la nuestra cultura, ¡pos digu!

 

Aluegu de la güena acogía del libru anterior Extremadura en el corazón, los autoris tuviun el afan de jadel esti nuevu libru, algu más chiquinu, más propiu, más jateau y más lucíu, de mo y manera que con ellu se puea lograr una mayor difusión, una mayor portabilidad, y asina, poel lleval estos saberis a un mayol númiru de personas.

Miguel Herrero tieni mucha albeliá en lo tocanti al mundu natural y lleva añus escribiendu y palrrandu a toa la genti de tou esu. Frutu de ellu es su anterior libru El alma de los árboles, que como él idi -cualquier habitanti e nuestras capitalis le cuesta menus trabaju el reconocel las distintas marcas de cochis que abarrotan esas callis que mental por sus nombris a los árbolis que dan oxígenu y ponin guapas a nuestras poblacionis-. De esti moo, él sienti la neseciá de dal a conocel el mundu rural, ya endi la propia escuela, como queó bien patenti con aquel famosu ejerciciu que se jidu en varius colegius e los Madrilis, piiendu que pintaran una gallina y que dio como resultau que más de la metá de los muchachinus habían pintau un pollu asau. Tamién s´acuerda d’una granjina que pusiun por unos días en un conociu centru comercial en el su aparcamientu, pa que los críus de las familias que iban a mercal, enrearan con los borreginus, las cabras, los guarrapus, los bochis... Pos, paseando paí, vio como, delantri dél, un ran de unus cincu añinus se queó queu y admirau deque vio unas chivorras, e iju sobresaltau: ¡Mairi!, ¡mairi! ¡Hienas! De mo que se puei barruntal qu’el mocosu no sabía ni jaramplu de los bichus del campu y lo poquinu le venía pol las penículas, comu, velaí, la del Rey León.
 

   Títulu: Mi Extremadura. La Cultura Rural
   Formatu: 24 x 17 cm - 316 páginas
   Preciu venta: 14 €
   ISBN: 978-84-936585-4-0
   Editorial: Elam Editores

 

En compaña al textu se puein diquelar 26 dibujus de Ton a toa página jechus a lápiz, al estilu de los antiguus grabaus, representandu costumbris, menumentus, leyendas, paisajis, fiestas, etc. Cuenta, asina, con más de 500 dibujus más chiquinus de jerramientas, utensilius, estrumentus, juegus, construccionis, animalis, plantas, etc. A too estu, se añadin cuadrus informativus, glosariu de las nuestras palabrinas, frasis, tonás popularis con la su notación musical y letra, y hasta las recetas de los platus de otras vedis.
 

    Pos velaí, la Cultura Rural, semilla y germin de toa cultura desarrollá por los jombris, tuvu su origin en los alboris de los tiempus, cuandu los jombris tuviun concencia de sí mesmu y del entornu natural que los sustentaba. Endi entoncis, las civilizacionis han recorriu muchu trechu peru lamentablimenti sus derroterus les han llevau a alejarsi ca vez más de esi mediu natural, de esa tierra de la que tantu se dependi.
   Con esti librinu queremus dar un relumbrón a nuestrus pueblus, entonal un Cantu a la
Cultura Rural ondi se muestra con respetu y dignidad la esencia de nuestru ser, las jormas de via y la sabiduría que se han desarrollau y se han transmitiu de pairis a hijus endi jadi milenius.
   Mentrun nos adentrámus en las páginas de este libru nos sumergiremus en un mundu sencillu, vinculau con la naturaleza; una jorma de via sostenibili y en armonía con la tierra.
 

 

 

 

 

 

Registrus sonorus
 



Kikirikí.
Por Aldaba



Pucherinu.
Por Aldaba


Más me gusta la extremeña.
Grupu de cantoras de Ceclavín


Palrando de reciu
Poesía de Cruz Díaz Marcos
Tamborileru: Chebi

 

 

 

Tonus pa los telefoninus
Las nuestras tonás. Versiones de Fran Herrero


1: Valdemerina

2: Pucherinu

3: La molinera

4: Morena Salada

5: Kikiriki

6: Machorrita

7: Cómu lluevi

8: La corrida
 
9: Dóndi va mi morenitu

10: El caballu tordu
 

Estas tonás y muchas más puedi diquelarlu en el libru Mi Extremadura, en compaña de la notas musicalis.

Si no puedi escuchal na, da aquí con el ratoninu

 

◄◄ Portá.